Wararkii u dambeeyey qarax caawa Muqdisho lagula beegsaday wasiir ka tirsan xukuumadda Rooble

Warar dheeraad ah ayaa ka soo baxaya qarax caawa lala beegsaday kolonyo gaadiid ah oo uu la socday wasiirka shaqada iyo arrimaha bulshada xukuumadda Soomaaliya Duraan Faarax Axmed.

Qaraxa ayaa ka dhacay isgoyska KM-4, degmada Hodan ee magaalada Muqdisho, waxaana ka badbaaday wasiirka iyo ilaaladii al socotay, sida ay noo xaqiijiyeen saraakiil ka tirsan laamaha ammaanka.

Nooca qaxaraas waxaa lagu sheegay miino wadada dhinaceeda la dhigay, waxaana la aaminsanyahay in bartilmaameedkiisu ahaa kololyadii gelbineysay wasiir Duraan.

Goobjoogayaal ayaa noo sheegay in qaraxu dhacay markii ay gudbeen gadiidkii uu la socday wasiirka wasaaradda shaqada iyo arrimaha bulshada oo halkaas marayey.

Sidoo kale dadkii ku sugnaa goobta waxay kaloo noo sheegeen inay arkayeen gaari HILUX ah oo halkaas laga jiiday, kaas oo uu qaraxu haleelay, waxaana weli la ogeyn khasaaraha rasmiga ah ee ka dhashay qaxaraas caawa ka dhacay bartamaha caasimadda Muqdisho.

Al-Shabaab ayaa inta badan fuliya qaraxyada noocaan oo kale ah, in kastoo aysan weli sheegan masuuliyadiisa, hadana marar badan ayey sidaan oo kale u beegsadeen gaadiid ay la socdeen mas’uuliyiin ka tirsan dowladda federaalka Soomaaliya.

LEAVE A REPLY

Please enter your comment!
Please enter your name here